المشاركات
هما يادوبك كلمتين
مفتتح:
من بين دروب حلمي
باسابق خطوتي
واسبق خيالي
من بين عذابي ووحدتي
باخلق امل
يكبر ويكبر كل يوم
وتزيد آمالي
*****
عاشق دروبِك واحتمي
من لسعة الشمس القويه
ف حضن ضلك
عاشق ومعجون معشقه
والسكه ليكي بحور شقا
لو تهتي يوم عن سكتي
قلبي يدلك
انا اللي كسَّرت الصنم
وانا اللي دقت صنوف ألم
وكان سلاحي يادوب قلم
بيحررك من عهد ذُلًّك
وجاي اقولك ..
هما يادوبك كلمتين
انا اللي غرقان من سنين
في بحور هواكي
وانا اللي لو لمَحِت عيوني
دمعه منك
انتفض ... وباكون فداكي
يا محيراني سنين معاكي
ومدوقاني ...
لذة الوجع اللي ساكن
بين ضلوعى ..
في انتظار ضحكة شفايفك
انا اللي دون الخلق
عارفك
وبعيون قلبي اللي عَشَقِك
بس شايفك
قد ايه قلبك مسامح
قد ايه حضنك يساع ..
الكون بحاله
مهما كان الكل جارح
قد ايه فارده دراعاتك
علشان تضمي وتحضني
كل اللي جايلك .. واللي رايح
عمرك ما كان قلبك حجر
دايما تلمي وتجمعي
وترسمي بسمه على جبين
الاحبه كلهم
ومش مهم تدمَّعي
علشان ولادك
راسمين على جبين الزمن
وف قلب صفحات التاريخ
حكايات وطن
بيقول على مر الزمان
هما عَتادك .. هما زادك
هما اللي في معاركك حموكي
ولملموكي
وزوقوكي ل يوم جهادك
لساهم الندهه القويه..
فاسمعي
امتى تعودي وترجعي ؟
امتى تعودي وترجعي؟
مفتتح:
من بين دروب حلمي
باسابق خطوتي
واسبق خيالي
من بين عذابي ووحدتي
باخلق امل
يكبر ويكبر كل يوم
وتزيد آمالي
*****
عاشق دروبِك واحتمي
من لسعة الشمس القويه
ف حضن ضلك
عاشق ومعجون معشقه
والسكه ليكي بحور شقا
لو تهتي يوم عن سكتي
قلبي يدلك
انا اللي كسَّرت الصنم
وانا اللي دقت صنوف ألم
وكان سلاحي يادوب قلم
بيحررك من عهد ذُلًّك
وجاي اقولك ..
هما يادوبك كلمتين
انا اللي غرقان من سنين
في بحور هواكي
وانا اللي لو لمَحِت عيوني
دمعه منك
انتفض ... وباكون فداكي
يا محيراني سنين معاكي
ومدوقاني ...
لذة الوجع اللي ساكن
بين ضلوعى ..
في انتظار ضحكة شفايفك
انا اللي دون الخلق
عارفك
وبعيون قلبي اللي عَشَقِك
بس شايفك
قد ايه قلبك مسامح
قد ايه حضنك يساع ..
الكون بحاله
مهما كان الكل جارح
قد ايه فارده دراعاتك
علشان تضمي وتحضني
كل اللي جايلك .. واللي رايح
عمرك ما كان قلبك حجر
دايما تلمي وتجمعي
وترسمي بسمه على جبين
الاحبه كلهم
ومش مهم تدمَّعي
علشان ولادك
راسمين على جبين الزمن
وف قلب صفحات التاريخ
حكايات وطن
بيقول على مر الزمان
هما عَتادك .. هما زادك
هما اللي في معاركك حموكي
ولملموكي
وزوقوكي ل يوم جهادك
لساهم الندهه القويه..
فاسمعي
امتى تعودي وترجعي ؟
امتى تعودي وترجعي؟
روووووووووووووووووووووووعه واكتر مبدعنا
ردحذفاشكرك جدددددددا اختي بوسي تسلمي
حذفدام رقى حرفك سيدى شرفت ونورت
ردحذف