المشاركات
*** الصفحه الاخيرة***
_________________________
من كل المدن
اللى كانت
ودانى ما حضنتش غير كلامك
نَفَسك..
رغم الزحمة اللى حوالينا
عينك حامت حواليه
صحّت جوه منى
رغبة قديمه
مغلبتنيش
بس خلتنى امسك فى الليل
واشد فى حباله
عشان ميكشفش غطا الفجريه
لأن الجو بره منك
بارد جدا....
**
عارف انى اتولدت
كتير فى احلام البنات
وحكاوى الليل
ولسه الحصان اللى هيشيل روحى
ويجيبها
مستنى الصفحة الاخيرة
اللى هندخلها سوى..
**
عايزك تفتكرينى
ونفسك طالع معاكِ
السلم القديم
وبيقولك انك متبهيش
روحك بالقمر
لأنه حاجه قديمه
مِلك كل الناس
وانتى ...
**
فى المرسم اللى جوه عقلك
رسمتينى مرتين
خليتينى اتشعلق
فى حلمات شعرك
احضن فيكِ خوف العشق
اللى بيعصرنى
ورغم دا كله
لسه مُصرّ
ارجع
تانى
رحم
الروح....
0 التعليقات:
إرسال تعليق
دام الابداع والرقي فى التواجد نسعد دائماً بعطر تواجدكم