قيثارة الامل هدوءآ أيها السادة

قيثارة الامل

هدوءآ أيها السادة
وانا اسفة على الازعاج
ولكن طالت السكرة
وباقى م الوجع فكرة
جعان والجوع بيكوينى
ودة اللى باقى من طينى
وم الذكرى
تراب ناشف م يروينى
ولا لقمة فية تحينى
انا اسف.......على فكرة
لانى خرجت من صبرى
مفيش فى الصبر ولا منفذ
سجنت شكويتى فيا
وجوعى لوحدى حسيته
ومين شايف ومين سامع
فى دنيا الفقر وياة الجوع
انين وخضوع ولا بينفع ولا بيشفع
ياطير وقف تصورينى
بنظرة عطف مع شفقة
ولو بايديك هترحمنى
تجبلى الماية تسقينى
ومن جوعى هتحمينى
وتاخدنى معاك
اطير فى الدنيا دية الواسعة
واخد اللى يكيفنى
ياناس عند الطيور رحمة
فى دنيا لا شايفة ولا سمعة
نحيف والجوع بيقتلينى
بياخد منى مبيديش
جعان والشكوة مش جوعى
دية رحمة ياخلق بطلبها
عيون حكمنا عالكرسى
ودة ينهب ودة يسرق
ودة يخطف ودة يجرى
ولا حسوش بلحظة جوع
وكل كلمنا فى الممنوع
اذا كان اللسان ينطق
دية حتى الصرخة مش طلعة
بصوت مكسور
زمان الكرسى مش دايم
ودة معلوم
هتاخد فى الكفن عملك
ودة المقسوم

شاركها في جوجل+

عن الشاعر أشرف الهنداوى