عاشور الزعيم *** فصلة زمن***

عاشور الزعيم

*** فصلة زمن***
_____________________________
أحدفى حزنك
فى همى
يمكن يتغير دمك
يبقى لون دمى
أو تتشكل
حارات ملامحك
فى سمار ملامحى
متتخضيش
متجريش
اوعى تدوسى على
حلمى ...
**
سلفينى عنيكِ
يمكن اشوف اللى مش شايفه
يمكن تقع الحروف
من الزمن
وتبتسم شفايفه
أو يرحل الحزن
وتولد الارض
فرح سنى ...
**
مردغى حزنك
فى دمع ليلى
قبل فجرك ما يتكسّر
والضفاير يغازلها
الريح
والغربه تبقى وطن
للى حضن أرضه
ميشلهوش
فصلة الزمن
دابت قبل ما تعرفى
سن همّى...

شاركها في جوجل+

عن الشاعر أشرف الهنداوى