حسن السحماوي.....شروق الشمس

حسن السحماوي

يا عمنا ...
أزاى حاتضجك للحياة ..؟؟
والليل قمر ..
مخنوق وحابس دمعته ..
زرع الغلابة فى أرض بور ..
وأبنى لسة ف الطابور ..
مستنى طرحت زرعته ..
يا عمنا ...
أزاى حاتضحك للحياة ...؟؟
الساقية لفت لفتين ..
والأرض شرقانة الحنين ..
والمية جفت دمعها ..
أرض الغلابة الشقيانين ..
طرحت عيدان .. حبلانة خوف ..
أنزل وشوف .. تلقى المأسى مطننة ..
يا عمنا ....
أزاى حاتضحك للحياة ..؟؟
والصيف بيزعق ف الخلا ..
و الليل مكسل فى السما
ساكن حيطان الدار .. مستنى النهار ..
والبنت واقفة ع الشوار ..
دا العمر طال الأنتظار ..
لف المنادى ينادى ..ف الميادين ..
.. عريس وتاية من زمن طول السنين ..
شايل فى أيدة بسمتة .. وحبت كلام ..
ارغول بيعزف بالوجع ..
وف سكتة الفين منادى ينادى ..
على كام شاب تاه ..يااااااه .!!!
يا عمنا ...
أزاى حاتضحك للحياة ..؟؟

شاركها في جوجل+

عن الشاعر أشرف الهنداوى