عونى هشام@@@. لعنة وطن

عونى هشام

..... لعنة وطن
========== بقلم عونى هشام
((( من وحى قصيدة د صلاح طاهر)))
.......(( ملعون يا عشق الوطن))......,,
====================
ليه نلعن احنا الوطــــــن
وفيه كتير اســـــــــباب
وطنا شال المحــــــــن
وسبب المأسى كـلاب

ياكل ما عنده بطــــــن
وينهش الاحــــــــــباب
خيرى متاويه فى خِـزن
ويعطى للاغـــــــــراب

وانا اللى صابر زمــــــــن
يعطينى بالأُبــــــــــآب
طول عمرى شايل كفن
وانام فى عش الغــــاب

كل حِساب له تمـــــن
اصل الزمن غــــــــلاب
الدمع داب فى الجفـن
والعين عليها حجــــاب

ظلموك كتير يا وطـــن
وانت متاويـــــــــــهم
عملوا كتير من فـــتن
باعوك وشاريـــــــهم

ارهابى عبر الزمــــــــن
والحقد ماليــــــــــــهم
جابوا الخراب فى المدن
والكُره عاميـــــــــــهم

انا مصرى طول مع عــرض
طول عمرى حامى الارض
دمى مياه النيــــــــــــل
وطينى هو العـــــــــرض

تعالى يوم عنــــــــــدنا
افتح كتاب بلــــــــــدى
حضاره دى اسمـــــــنا
ومربية ولـــــــــــــدى

بلدى وبتهمــــــــــــنا
مرسومة على كبــدى
ولادها دول اهلــــــــنا
وغريب ما هايعــــــدى

انا مصرى عبر الزمـــن
ولادى احميـــــــــهم
مفيش مكان للفـــتن
وربى راعيـــــــــــهم

تعالوا نبنى المــــدن
ونُحيى بانيــــــــهم
اللى ما عنده وطــن
مين بس يأويـــــهم
مين بس يأويـــــهم

إلغاء إعجابي

شاركها في جوجل+

عن Unknown