المشاركات
قــــلــــــــم مــــــــــا رد
إتمدّد قلمى
وحاول يوصل آخر السطر
والحرف اتقرفَـص جوّاه
تايه فى الحبر . الذل . المر
وكلام مخنوق
بيزُق حروفُـه ف حلق الموت
سكاكين بتشُق العَتمة ف
قلب بيوت...
وصراخ وسكوت
وحبال مجدولة ف حبل الريق النشفان
بِـتشِدّ جروح الحَـرف المخنوق
أتاريها
بتشد معاها
آخر نبضة ف قلب الروح
وسطور الصفحة اترسمِت
على شكل تابوت
مستنيّة الشَهقَـة الجاية
كانت موت ..كانت بوح
لَمّ القَـلم الحِبر الطافِـح
قام اتمطّع ...مارد...فارد
سيفه سنـون
شادِد حيله ..راكِب خيله
طايِـح فى الباطل رهوان
قَـلَمى وحَـرفى ..سلاح فِـرسان
مش هنسيب الحرف يموت
مش هنسيب الحق يموت
بـقـلــــم ا لــشــــــا عــــــــــــر
أ بــــو عـــمـــــــــا ر ا لـــمــــصــــــــــــــر ى
إتمدّد قلمى
وحاول يوصل آخر السطر
والحرف اتقرفَـص جوّاه
تايه فى الحبر . الذل . المر
وكلام مخنوق
بيزُق حروفُـه ف حلق الموت
سكاكين بتشُق العَتمة ف
قلب بيوت...
وصراخ وسكوت
وحبال مجدولة ف حبل الريق النشفان
بِـتشِدّ جروح الحَـرف المخنوق
أتاريها
بتشد معاها
آخر نبضة ف قلب الروح
وسطور الصفحة اترسمِت
على شكل تابوت
مستنيّة الشَهقَـة الجاية
كانت موت ..كانت بوح
لَمّ القَـلم الحِبر الطافِـح
قام اتمطّع ...مارد...فارد
سيفه سنـون
شادِد حيله ..راكِب خيله
طايِـح فى الباطل رهوان
قَـلَمى وحَـرفى ..سلاح فِـرسان
مش هنسيب الحرف يموت
مش هنسيب الحق يموت
بـقـلــــم ا لــشــــــا عــــــــــــر
أ بــــو عـــمـــــــــا ر ا لـــمــــصــــــــــــــر ى
0 التعليقات:
إرسال تعليق
دام الابداع والرقي فى التواجد نسعد دائماً بعطر تواجدكم