عبد الوهاب الطريقي@@@حطّت ظهرها للشجرة

عبد الوهاب الطريقي

حطّت ظهرها للشجرة
في الظلّ تفركس
قعدت 
تغطي شعرها شمسيّة سعف
ضحكت
مدّت
يدها وإشارة سريعة
عملت
تقول يدها
وتقول ضحكتها وقعدتها
تعال حبيب القلب
إنت فين
نسمّرت ....
............في مكاني
وما قدّت...رجلي توصّلني
لريم القلب إلّي بيدها تناديني
عندها حديث في قلبها
تريد تسمّعني بوحها
وغرامها يزيد كلّ يوم
في القلب
والقلب مايستر العشق
إلّي نارو
لاهبة في كنيني
بنطلون لابسة بلون الليل لمّا يقرّب
وسوريّة أزهارها
وألوانها تجمّد الدّم في العروق
والحبّ مازال تشعل نيرانو
وحالتي وحالتها
ألوان من ألوانها
وصدرها العاري
أقول فيه رمّان قابس
في السّواني
معلّق على الشّجر
وبحمرتو ناداني
يا فاطمة كثرت من الدلال
ودلالك عسل من شهدو ينذاق
خمر من جنّة الرّضوان
وعسل ثغرك ما كيفو شهد ينباع
وحتّى في الصّين
النّاس فركست،
اعْيِتْ،
رجعت بخفّي حنين
-----------------------------------
عبد الوهاب الطريقي: الجمهورية التونسية، صفاقس

شاركها في جوجل+

عن Unknown