حسن السحماوي@@@ من الغرور

حسن السحماوي

زمن الغرور ..
أنا كنت حاسس ..
لما بسمع ضحكتك ..
ينشق جوايا .. قمر ..
ومعاه نجومه .. الساطعات ..
وأرسم فى صورتك .. ع الشجر ..
زهرة .. ماتعرفشى الخريف ..
أنا كنت عايش للحياة ..
دنيا ماعاشت .. أي زيف ..
وأنا كنت ساكن
جوة منك من زمن ..
خايف عليك .. فى ليل .. سوكات ..
وادارى فى عيونك .. تبات ..
كانت صراحة .. كلمتى ..
حدوته يحكيها .. النهار
وأرهن عيونى السهرانين
مع انى محتاج للحنين ..!!
أنا كنت أجرى ع الشطوط
وارمى فى حجرك .. شمسنا ..
واغزل ضفايرك .. مجدافين
علشان مانوصل .. شطنا ..
ولا كنت اصدق غربتك ..
راح تيجى يوم .. .. وتهزنا ..!!
كلمة بااحبك .. كنت باسمعها كتير ..
من وقت ما كانت عواطفك
تزعق علينا ... تلمنا .. !!
الحلم كنا .. بنقسمه مع .. بعضنا ..!!
على قاعدة فيها السلطنه ..
والكركره .. والضحكة .. لما تنحنى
تبوس الأدين ..
أنا كنت متهىء لى .. فارس .. خطوتك ..
الكلمة .. كانت تتقسم .. حب .. وحنين ..
وانا كنت باتحدى الزمن ..
بس الزمن .. يتحدى مين ..!!!
شعر .. حسن السحماوى ..
29 / 8 / 2014

شاركها في جوجل+

عن Unknown