المشاركات
*** الليل مش تباريح وخلاص***
___________________________
الليل ..
حواديت فى قلب العتمه
مستنيه حد يعدّى
يبقى حكاية الليله...
سوزى اللى عرفتها من شويه
اخدتنى فى حضن
اوسع من اى مساحه تتخيلها
عشان تدخل قلبى من غير احراج
النفس الخارج منها
كأنه نسمة صابحه
بتدحرج على تجاعيد الوش
بتدور على الخدين لجلن
ما تهفهفهم وبحنيه تشيل العتمه
لما كنت بشوف ضحكتها
ما كنتش عارف ها تودينى على فين
غير انها بترد الروح..
الليل لسه مُصر يدارى كسوفه
يلم العتمه من بيوت الحاره
وحفر الشارع الغويطه
اللى ساكنها بقى له زمان..
الليل شيطان
بيدحرجنا فى حضن العتمه
وبحنيه ايديه.. بطبطب على عواطفنا
يطلع كل الشوق الحامى
نرمى جروحنا
الروح ويا الروح فوق غرود الرمل تغنى
مش خايف اقول اللى فى قلبى
لا هتتقل ولا تعند ويايا
سوزى لسه ايديها متبته فى ايديا
مع ان الليل مش راح يخلص
الليل عمره ما كان غير عيل شقى
تقدر وياه تنسى انه فاضل
من العمر شويه
ما هو لما تكون سوزى معاك
لسه عنيها فيها كلام ما اتقالش
لسه الضحكه اللى بتضحكها ما جلجلتش
لسه الحضن الدافى فيه حكايات ما اتسمعتش
لسه البوسه على الشفه واقفه
مستنيه الشفه تضم
يبقى الليل ها يطول يستنى القصه اللى ما كملتش
الليل مش تباريح وخلاص
الليل زحمه وعيون بتبص من ورا شبابيكها
مستنيه عيون تشبكها
وتخدها الضلمه
اللى طول عمرها ماشيه ويا الليل
حاضنين بعض ..
___________________________
الليل ..
حواديت فى قلب العتمه
مستنيه حد يعدّى
يبقى حكاية الليله...
سوزى اللى عرفتها من شويه
اخدتنى فى حضن
اوسع من اى مساحه تتخيلها
عشان تدخل قلبى من غير احراج
النفس الخارج منها
كأنه نسمة صابحه
بتدحرج على تجاعيد الوش
بتدور على الخدين لجلن
ما تهفهفهم وبحنيه تشيل العتمه
لما كنت بشوف ضحكتها
ما كنتش عارف ها تودينى على فين
غير انها بترد الروح..
الليل لسه مُصر يدارى كسوفه
يلم العتمه من بيوت الحاره
وحفر الشارع الغويطه
اللى ساكنها بقى له زمان..
الليل شيطان
بيدحرجنا فى حضن العتمه
وبحنيه ايديه.. بطبطب على عواطفنا
يطلع كل الشوق الحامى
نرمى جروحنا
الروح ويا الروح فوق غرود الرمل تغنى
مش خايف اقول اللى فى قلبى
لا هتتقل ولا تعند ويايا
سوزى لسه ايديها متبته فى ايديا
مع ان الليل مش راح يخلص
الليل عمره ما كان غير عيل شقى
تقدر وياه تنسى انه فاضل
من العمر شويه
ما هو لما تكون سوزى معاك
لسه عنيها فيها كلام ما اتقالش
لسه الضحكه اللى بتضحكها ما جلجلتش
لسه الحضن الدافى فيه حكايات ما اتسمعتش
لسه البوسه على الشفه واقفه
مستنيه الشفه تضم
يبقى الليل ها يطول يستنى القصه اللى ما كملتش
الليل مش تباريح وخلاص
الليل زحمه وعيون بتبص من ورا شبابيكها
مستنيه عيون تشبكها
وتخدها الضلمه
اللى طول عمرها ماشيه ويا الليل
حاضنين بعض ..
عن Unknown
0 التعليقات:
إرسال تعليق
دام الابداع والرقي فى التواجد نسعد دائماً بعطر تواجدكم