مجلة @ عزف على أوتار الحروف @

مجله أدبيه؛ثقافيه؛إجتماعيه ؛شامله.. .

/ / الشاعر نادر الأسيوطي,,,,,,ناس وناس

الشاعر نادر الأسيوطي,,,,,,ناس وناس

تعديل

الشاعر نادر الأسيوطي

ناس وناس كلمات نادر الأسيوطي
ناس تحيا وناس عايشين
وناس بينا ومش حاسين
وناس مش ناس وحاسبنهم
علينا لكن مييتين
**********
ناس عايشه في ميّة لفت
وناس أخلاقها زي الزفت
وناس دايخة وناس بايخة
وناس راسها في قلب الطين
**********
وناس بتحارب الخفافيش
وناس بتعمر من مفيش
وناس بتاخد متديش
وناس بتبعتر بالملايين
*********
وناس واقفه علي الصفين
وناس مش عارفه هيّه فين
وناس شغلتها لفظ آميين
وناس راكعه مع الراكعين
*********
وناس واقفه ورافعه الراس
وناس خانعه بشوز تنداس
وناس تشقي وشايله الفاس
وناس تصرف علي الهرويين
*********
وناس عايشة وملها اساس
وناس ظنانه كالوسواس
وناس قلوبها تفوق الماس
وناس راضية من الساجدين
*******
وناس للعدو متصاحبين
وناس غلابة غلبها الدين
وناس حرة وحبة الدِين
وناس تدعيلي قولو آمييين
كلمات نادر الأسيوطي
شاركها في جوجل+

عن Unknown

0 التعليقات:

إرسال تعليق

دام الابداع والرقي فى التواجد نسعد دائماً بعطر تواجدكم

الاشتراك في: تعليقات الرسالة ( Atom )