نورالنهار عونى هشام@@@انا بكرهك

نورالنهار عونى هشام

... انا بكرهك
============ بقلم عونى هشام
انا بكرهك
وافكرك بعمايلك فيا
حبيتك انت

كرهتنى
و بقسوة عليا
انا قلبى
زاد فيه العذاب
ودموعى مليانه
فى عينيا
انا بكرهك
كرهت حب
وهبته ليك
وكرهت يوم
عديت عليك
نزعت قلبى
من ضلوعى
وكل شئ
كان حلمه فيك
انا بكرهك
الكره واحده
مش كفايه
خلاص نسيت
اسمك معايا
حت اللى باقى
منه ذكرى
رميتها لبعيد
من ورايا
انا بكرهك
عملت فيا
شئ كنير
واتحملك
نصحت لك
تعمل كبير
واكلمك
لازم اسيبك
واهجرك
يمكن بعادى
يعلمك
انا بكرهك
روح وابتعد
انا عمرى
ما اندم
ع اللى راح
لو يوم هترجع
هابتعد
كفاية
شفت معاك جراح
انا بكرهك
الكُره كلمة
فى لسانا
نرددها بكلام
الكُره نقمة
فى قلوبنا
نزيد بيها الالام
حرام يزيد الكره
ويبقى الحب
حلم فى المنام
ليه اكرهك
تعالى حب الدنيا
حب الناس
نعيش فيها بسلام
تعالى ايد على ايد
مع الاحساس
نمشى للامام
ويبقى الحب
عنوانا
ويِحِلَو الكلام
ليه اكرهك

إلغاء إعجابي

شاركها في جوجل+

عن Unknown