Sayed Sadek‎‏ ‏###عملت ف نفسك ايه

‏‎Sayed Sadek‎‏ ‏

عملت ف نفسك ايه ..
كترت ذنوبك ليه ..؟!
ربك قالك اسعي يا عبدي
عملت بسعيك ايه ؟؟؟؟!!

ربك قالك عندي الجنه..
بس الجنه للابرار..
ربك بلغ بكلام كتبه..
وكلام رسله الاطهار..
قالك صلي واعبد واسجد
خليك دايما م الاخيار...
و ماقلكش يوم اعصاني ..
او انساني...
قالك بس اتمسك بيه
عملت ف نفسك ايه..
كترت ذنوبك ليه..؟!
ربك قالك اسعي يا عبدي
عملت بسعيك ايه ؟؟؟؟

ربك قالك عندي الرحمه
بس الرحمه للي يتوب
ربك كاتب لينا الخير
قدرك ف كتاب مكتوب
ارجع تاني وعيد حساباتك
وبلاش تاني تشيل ف ذنوب
استغفر ربك... قوله بتوب
وانت ف كل مكان تلاقيه
عملت ف نفسك ايه..
كترت ذنوبك ليه... ؟!!
ربك قالك اسعي يا عبدي
عملت بسعيك ايه ؟؟؟؟

سيد صادق

شاركها في جوجل+

عن Unknown