صبرى إسماعيل@@@الحب سرااب

صبرى إسماعيل

الحب سراب----أغنية ل الدكتور صبرى إسماعيل
*****
يمين بالله ياقلبى إذا حبّيت ---لاكون زعلان
ولوشفتك فى يوم بتدق----------أو هيمان
لخاصمك واطردك برّه

تعانى الغربة لو مرة
ولا الومك ولا اعاتبك
واسيبك تشكى من ذنبك
لأن الحب خاصمنا وساب الوحدة والحِرمان
********
حبيبتك اللى حبّيتها -------بتلعب بيك
بترقص وانت بتعانى,--- ومن حواليك
حبيبتك طايرة بغرامها
لغيرك كل أحلامها
حرام الحب فى الناسى
ولا الهاجر ولا الآسى
وإسم الحب مش مكتوب يا صاحبى عليك
*******
كفاية انك تعيش الذكرى-- فى الأشعار
وتحيى الحب فى قلوبهم ------بكل دار
عليك الوحدة مكتوبة
سعادتك برضه مسلوبة
ودمعك يشتكى بعينيك
ورغم الحُب من حواليك
بموج البحر وفوق النهر وع الأشجار

شاركها في جوجل+

عن Unknown