Mohamed Elalfy@@@ عايز اقول

Mohamed Elalfy

,ومضات....شعر عاميه
***************

عايز اقول
ومش عارف
باشوف الدنيا مقلوبه
حقيقه ماشفته
ولا انا راسى مقلوبه

000

قلولى يا ناس
اقول الحق ولا بلاش
اكيد الحق بيزعل
وحال الناس
زى ا لدنيا ينبدل
ونوب الزور
جيوبه اوساع
وتحت الشمس بيزغلل

000

قولولى يا ناس
ميراث جدى
النهرده بيعرضوه للبيع
عشانه غيروا التشريع
وانا مفلس
قالولى ياتشترى يا تبيع
مدام مش عاجبك التطبيع

000

اخوكم حيلته م التركه
يادوب قيراطين
وواقين حظى
بين جبلين
بيزحف كل يوم واحد
على دراعين
قولولى ياناس
اروح على فين
ده كل اللى ترك ارضه
مصيبته اتنين

000

انا وانت
حملنا الجوع
برغم ان البلد خيرها
كما الينبوع
ولكن وسطه نوسه
بقالها اسبوع
ماخلت نقطه نشربها
وفيها عشش ا لجربوع

000

انا والفقر من عيله
ما بيتناش
بعيد عن بعض
ولا ليله
وبينا شرط مش مكتوب
لو ا هرب منه بس يادوب
يدور عنى ف المكتوب

00

انا ياناس
نصيبىشيوع
ومصارينى
خدت ع الجوع
ودايماً ميت ف توبى
اخاف اللعب
ف الممنوع
وقولو للى باع بلده
برىء منك نبينا لزين
وبرضه يوبسوع

00

قولولى ياناس
وحد شبعان
وحواليه 500جعان
يبصوله
وهو بيبلع اللقمه
وكل الحقد ف عنيهم
يا خوفى ياناس
بعد شوية باديهم
اكيدراح يخطفوا للقمه
وتنزل ع البلد نقمه
وربك ينزع النعمه

إلغاء إعجابي

شاركها في جوجل+

عن Unknown