Ramadan Alaalka.................تقدري ؟؟؟

Ramadan Alaalka

تقدري ؟؟؟
^^^^^^^ 
تقدري تجيبي السعادة ؟
تكون للحب مش افادة 
تقدري تلمي الشتات 
أعملي م الشوق وسادة
و خلي للحب الريادة
ليه هنبكي ع للي فات
احلمي انك في جنة
و اوعي حد يخش بيا
و امسحيلي الذكريات
لفلفيني فيك زيادة
هدمي قصور العبادة
خليني احبك للمات
تقدري تكوني الامينة ؟
ترقصي و تلفي بينا
و يكون الحب خد و هات
اسمعيني بس اقولك
اعملي م الحب جنة
أعملي م الشوق محنة
و فكريني بيوم ما كنا
امحي ذكري يوم و فات
غرقيني في بحرك اكتر
غرقيني لما اسكر
كل ريح عايز ثبات
اعملي م الشوق سفينة
و اعملي م الحب مينا
الحب ما فيش احتياط
احذري مرة تخونيني
و احذري مرة تجافيني
و تغرقيني في السكات
لو ف مرة اتخاصمنا
ما تعمليش شلة و لمه
و تحطمي لي الذكريات
^^^^^^^^^^^^
بقلم / رمضان العلالقة

شاركها في جوجل+

عن Unknown