Mohammed Dawood@@@ضيعتنا تواريخ صمتنا

Mohammed Dawood

ضيعتنا تواريخ صمتنا
واترملت جوا السطور
احلام كتير مننا
وتاه فارسنا الهمام
فى كام فاصلة 
وكام نقطة
وكام نومة مع الشرطة
وكام لجام
كل اللى قام
واقف ينادى الوطن
اخدوه هناك
يعشق جمال
كلمة سكوت
الضهر شقق من كتر الانحناء
ومات فيه الرجاء
مخنوقة فيه الصرخة
مكتومة
جواه آهات مظلومة
كل السكك حواديت
وملضومة
بهم وخوف
وانا نفسى يوم
افك تعاويذ حزننا
واعمل حجاب للهم
يتلم صوت الوطن
فى صرخة
معلومة
تفوت على قبور
ماشية
بترسم شكل الحياة
وتثور
على عفن الممات
ماشين ومش ماشين
عايشين ومش عايشين
قصة وطن
تاه فى خرايط العتمة
خلف العمى
بصدور مكلومة
ميشينا خلف الحدود
والروح مهضومة

فتاهت فى شوارع جروحنا
كل الامانى الممكنة
فبلاش تقفل شوارع
عمرنا
لاننا
حالفين نفتح
الف سكة
والف باب
ونرسم الحلم المحال

====== محمد عبد المقصود داود

شاركها في جوجل+

عن Unknown