Rasem Mohamed@@@ارسم غد وازرع ورد وحطم سور

Rasem Mohamed

ارسم غد وازرع ورد وحطم سور
==================
اسمع وافهم مغذى كلامى بالاشعار 
واوعى معايا با عم الحلو تلف تدور 
خليك ايزى وجنتل مان وجميل وسبور
اوعى تعيشلى بجد يا واد فى الدور
ولا اكمنك حلو ياعم وواد امور
خليك زي راسم كدا شاعر
كون متواضع مش مغرور
ازرع وسط الصحرا زهور
وارسم وسط الضلمه النور
اضحك وارسم بسمه و فجر نهار
حب وهادى يا عم بوردك والازهار
خلى الكون بعبيرك كله عطور
خليك هادى وديما اوعى يا عم تثور
كون لجريح الوجد مداوى وكون دكتور
اوصف ود وحب ورحمه وازرع خير
كون ديما للكلمه الصدقة ملك و امير
كون للوعى ونشر الفكر معلم مرشد للتنوير
اعلى براية بلدك كون كدا ليها نسر جسور
خلد اسمك قصة خلد للاساطير
انفش ريشك سابق الريح ما تكنش اسير
اضرب احلامك بجناحك واعلى وطير
ارقص غنى وعيش الحلم كما العصافير
ارسم دنيا جميله وحلوه الفت ليك كل الانظار
حطم يلا كل قيودك اكسر سد وعدى السور
اوعى بمره اشوفك محبط او مكسور
ولا بمره الاقى كلامك من اقلامك كله فتور
كون شلال للكلمه الصادقه كون بركان وكون اعصار
كون امطار تروى بشعرك قلوب و سطور
كون للحب امير ورسول وغدير انهار
بقلم
=== الشاعر \ راسم محمد

إلغاء إعجابي

شاركها في جوجل+

عن Unknown