سيد عبده حنين القلم@@@أرفع اذانك

سيد عبده حنين القلم

أرفع اذانك 
دق الجرس 
ماتوا الحرس 
يا جيشنا ليه 
فيك العبث
يا شعب ليه صابك خرص
ياجيش عبر
يا جيشنا يا حامي الحمي
ما تقولي ليه صابك عجز
مجانين ومسكوا في الادارة بيحكموا
احسن شباب
احسن جنود
اديهم اوامر الاقتحام
اضرب اوام
وحط ايدك علزناد
لكن الرصاص بيجي في صدري انا
مش العدو
عدوي هناك علي الحدود
دي لعبه قذرة بتتلعب
وتمنها شهيد
احمد زكي في فيلم البرئ
ركلام بيلعب لعبته
اخوان بيشربوا دمنا
والعظمة دي والابهه
نياشين بتكتب مجدها
والشعب علي فيض الكريم
بيسمع كلام ... مجرد كلام
فين العدو
فين اللي بيقتل ابننا
عفريت بيظهر كل مرة ويختفي
مره في رفح او الفرافرة او العريش
والتمثيليه مبتنتهيش
خليك في حالك واختشي
دور علي سكر وزيت
وفطابور العيش تعيش
مش لاقي تاكل حضرتك
خليك كده علي سكتك
احنا الوحوش احنا الجيوش
يا رب حوووووش
واحفظ الباقي من دمنا
انا تهت والله بجد
مين اللي قاتل جندنا
حد يجاوب علسؤال
ويجيب دليل
علشان خلاص
زهقنا من طعم الرصاص
يا تجيبوا حق الشهدا دول
يا تسيبوا يالا حكمنا
يا تسيبوا يالا حكمنا
سيد عبده

إلغاء إعجابي

شاركها في جوجل+

عن Unknown