المشاركات
قام الشاعر محمد البلاط
رايحه فين - من ديوان ( هموم )
بقلم محمد البلاط
رايحه فين هو الحنان
له مكان مع حد تانى
ولا درب الهوى
عنوانه بس الكلام
تشرقى تغربى
ولا عنى تبعدى
انتى اللى ساكنه قلبى
شىء بيسرى فى كيانى
ومتلوميش الصمت اللى
لو شربت ليه خل
ونسجت ليه حروف
ورفعت فوقه سيف
انه ينطق ما نطقش
منى رهبه ولا خوف ؟؟
ولا جايز الكسوف
بس كل اللى اعرفه
والجميع بيوصفه
اللى ساكن جوه قلبك
متسبوش يروح بعيد
لو بايدك كتفه
و انتى ساكنه جوه قلبى
شىء بيسرى فى كيانى
رايحه فين هو الحنان
له مكان مع حد تانى