حسن السحماوي@@@..... قطار الحياة ...

حسن السحماوي

.......... قطار الحياة ...............
عزمت الرحيل ....
فى أول وصول
الوابور .. الكبير ..
وابور ... الحياة ..
بيبدأ ... يصفر ..
يعفر ... يجفر ..
يجرجر ... علينا ..
التراب .. الكتير ..
وأحبس بايدى
التراب اللى ممكن
يكون لى .. شهيق ..!!
وأحمل هموم
السنين .. الطويله ..
وجرحى .. العميق !!
واشد الخطاوى ..
تطقطق ... ضلوعى ..
وصوت جوه منى ..
بيحبس .... دموعى ..
أحس إنى راحل ..
ويأس رجوعى .. !!
أدارى فى عيونى ..
دموع ... الفراق ..
وراكب .... سبنسه .. !!
وجوه ... السبنسه ..
بشوف الهياكل ..
تُجوب .... الأماكن ..
أخس ... بمشاكل
عيون ... البشر .. !!
بحكم إنى ... ساكن
معاهم ... فى رحله ..
وحاسس بأنى ..
معاهم فى محنه ..
لطول ......... السفر ..
فهمت الى منهم ..
مسافر وراجع ..
ومنهم يدارى ...
مخبى ..... المواجع ..
ومنهم .. مشعلق
عنيه فى العلالى ..
وتهمس ... شفايفه ..
تناجى ... القمر ..!!
لطول ... السفر ..
وفيهم ... حيارى ..
سهارى ... سكارى ..!!
وعمر اللى منهم
مسافر .... وعافر ..
وركبوا السبنسه ..
وحسوا ... الخطر .. !!
فى طول ... السفر ..
ويسأل .... وتسأل ..
عنيهم .......... لفين .. !!
طرقنا ... وصولنا ..
نهايته ... منين .. !!
يلف السؤال .. اللى تايه يدور ..
ما يعرف ... إجابه .. !!
تتوه المعانى ..
فى وسط الزحام ..
أحس المتاعب ..
فى صوتى .. المحشرج ..
ينام ... الكلام ... !!
ينام ... الكلام ... !!
.............
شعر .. حسن السحماوي ..

إلغاء إعجابي

شاركها في جوجل+

عن Unknown