المشاركات
.. بواقى سواقى
=========== بقلم عونى هشام
تاهت منى الحروف
كانت حروف بأهات
لو كنت اقدر اشوف
كنت دارتها بسكات
---------------------
تاهت ما اعرفش اخبى
دورت فى الحارات
الوقت اشوف يعدى
باقى منه ؟ او كله فات
-----------------------
راحت منى الامانى
ولا هاكتب حرف تانى
حتى القلم راح منى
أنامجنى ولا جانى
--------------------------
الحلم راح منى شاط
ظلمونى دمعى غلبنى
اعطيت ولا قلت هات
ونسيت اللى ظلمنى
------------------------
هابيع يمكن مغات
وامشاط مع فلايات
لا وزن فيها ولا قافيه
بلا قافيه روح من سكات
---------------------------
هاعرف فين الندوات
وهاسرح
على ندوه ندوه
هابيع الفلايات
والشعر هقوله غنوة
----------------------
وهاشغل معايا بنات
مزات او كده قمرات
و لسه عندى حاجات
سميط مع بيض وجبنه
------------------------
هاعيش فى الذكريات
وهابيع الكوبايات
وكل ورقة عندى
هتكون ماضى وفات
----------------------
الشعر يعنى ايه
كلام مش باقى عليه
حتى اللى باقى منه
هابيعه مين يشترية
-----------------------
هاشغل ماشطة عندى
تمشط كل البنات
تدخل على كل ندوة
تعطيهم الشهادات
-----------------------
معايا كتير كاسات
وحلاوة سكر نبات
تاخد وسام يا عينيا
اسقيك معاه شربات
------------------------
و دى كل الحكاية
من الاول للنهاية
نسيت الحرف عشقى
انا شخص من رواية
--------------------------
الرواية لسة باقية
و فيها كتير فصول
فيها ثور داير فى ساقية
مخروبة على طول
-------------------------
السواقى اللى لاقيتها
عرفتها من غير فضول
فى سواقى تزيد فى مية
وفى سواقى بايد صبية
وفى سواقى ليها حرف
وكل ترس وليه اصول
------------------------
كان زمان نقول سواقى
يعنى كلمة وفيها قول
والنهارده فيه بواقى
العرض فيها زى طول
----------------------
فى سواقى ملاغية
وفى سواقى للعقول
كنت اغازل فى بهية
تقولى حرفك له اصول
-----------------------
الاصول اليوم لاقيتها
تمشى ويا اى لون
والبيوت اللى بنيتها
كل حرف وله فنون
------------------------
الادب دا كان زمان
الفنون ما تهمنا
كل واحد ركب منصة
لازم نقوله يا عمنا
............ وعجبى
==============
\\\\ عونى هشام\\\\
=========== بقلم عونى هشام
تاهت منى الحروف
كانت حروف بأهات
لو كنت اقدر اشوف
كنت دارتها بسكات
---------------------
تاهت ما اعرفش اخبى
دورت فى الحارات
الوقت اشوف يعدى
باقى منه ؟ او كله فات
-----------------------
راحت منى الامانى
ولا هاكتب حرف تانى
حتى القلم راح منى
أنامجنى ولا جانى
--------------------------
الحلم راح منى شاط
ظلمونى دمعى غلبنى
اعطيت ولا قلت هات
ونسيت اللى ظلمنى
------------------------
هابيع يمكن مغات
وامشاط مع فلايات
لا وزن فيها ولا قافيه
بلا قافيه روح من سكات
---------------------------
هاعرف فين الندوات
وهاسرح
على ندوه ندوه
هابيع الفلايات
والشعر هقوله غنوة
----------------------
وهاشغل معايا بنات
مزات او كده قمرات
و لسه عندى حاجات
سميط مع بيض وجبنه
------------------------
هاعيش فى الذكريات
وهابيع الكوبايات
وكل ورقة عندى
هتكون ماضى وفات
----------------------
الشعر يعنى ايه
كلام مش باقى عليه
حتى اللى باقى منه
هابيعه مين يشترية
-----------------------
هاشغل ماشطة عندى
تمشط كل البنات
تدخل على كل ندوة
تعطيهم الشهادات
-----------------------
معايا كتير كاسات
وحلاوة سكر نبات
تاخد وسام يا عينيا
اسقيك معاه شربات
------------------------
و دى كل الحكاية
من الاول للنهاية
نسيت الحرف عشقى
انا شخص من رواية
--------------------------
الرواية لسة باقية
و فيها كتير فصول
فيها ثور داير فى ساقية
مخروبة على طول
-------------------------
السواقى اللى لاقيتها
عرفتها من غير فضول
فى سواقى تزيد فى مية
وفى سواقى بايد صبية
وفى سواقى ليها حرف
وكل ترس وليه اصول
------------------------
كان زمان نقول سواقى
يعنى كلمة وفيها قول
والنهارده فيه بواقى
العرض فيها زى طول
----------------------
فى سواقى ملاغية
وفى سواقى للعقول
كنت اغازل فى بهية
تقولى حرفك له اصول
-----------------------
الاصول اليوم لاقيتها
تمشى ويا اى لون
والبيوت اللى بنيتها
كل حرف وله فنون
------------------------
الادب دا كان زمان
الفنون ما تهمنا
كل واحد ركب منصة
لازم نقوله يا عمنا
............ وعجبى
==============
\\\\ عونى هشام\\\\
عن Unknown
0 التعليقات:
إرسال تعليق
دام الابداع والرقي فى التواجد نسعد دائماً بعطر تواجدكم