المشاركات
نهاية ثوره
بقلم محمد البلاط
فيه كام قضيه هتترفع
من حسنى على شعب عبيط
والقاضى ده هيركبه
ويحطهم جوه الغبيط
ما تعبنا من قول الكلام
والخلق لينا مسنحين
شبه الحجر اللى غرق
والعقل محشى داخله طين
قولنا الميزان ضاع مننا
لكن قلوبنا حنينه
سلمنا لله امرنا ومريحين
والرطرطه بكتر الكلام
وهما لينا مخططين
والصمت حكمه عندهم
تلعب بمين ؟؟؟
المسجونين
كانوا فى فنادق مبسوطين
سايبين كلاب واقفه بباب مدرعه
عايشين فى عز والدنيا بره مولعه
مات اللى مات ماهى مزرعه
عايزين كرامه وجهلنا ؟؟؟
راكب عقولنا كلنا
والعيش جرايه بالكبون
وعداله فيها الف لون
حكم القاضى ليلمنا
ويحطنا جوه الغبيط
بطل دريط..
متبصوليش
بس افتكر فيه كام غبيط
مين اللى سقف ورقص
مين اللى فى ودانا هرش
مين اللى جنس رقصات
وابن البلد منها اتكرش
متقولى مين ؟؟؟
انطق وقول وبلاش براسك دى تدور
ولا لسانك اتخرص
والودن جالها الطرش
ولا العقول تبن وفول
اوعى تقول اخوانى اصلى منهم
او من الفلول
فيه ناس عطاها ربها
ودان تتجر منها
وناس منحها العقول
وانا منها
وكل الحكايه كلها
سطور لقاضى يخطها
حسنى برائه من القفص
والشعب يتلم فى غبيط