Mostafa Tisir@@@كل الجوابات رجعت تاني

• تعليقاً...

Mostafa Tisir

‏

كل الجوابات رجعت تاني ..
و معاها الدبلة و كام دبدوب ..
و صور مقطوعه ف وسط قلوب ..
و إزارة برفان علشاني .. 
و كلام بيقول دا فراق مكتوب ..
مناديل بالروج و كلام مشطوب ..
و رسايل بتقولي إنساني ..
*** *** *** ***
كل الأحلام صبحت كوابيس ..
و ملاكي في لحظة صبح إبليس ..
و لقتها عروسه في حضن عريس ..
باعت و يا حصره تمنها رخيص ..
و مكانها دا معدش مكاني ..
*** *** *** ***
أنا كل حروفي الباقية دموع ..
بتقول يمكن من تاني رجوع ؟
و تنور بيتك ضيا و شموع ..
و صورتها تقول مش عايزاني ..
*** *** *** ***
مناديل و الإمضا بشفايفها ..
و الدبلة الفضة أنا عارفها ..
دلوقت في شباكي شايفها ..
و كفوفها بتحضن ف التاني ..
*** *** *** ***
أنا كل حروفي بتسألني ..
إذاى كنت في يوم بتغني ..
و تقول أشعار ؟
ليل وي نهار ..
بتسيب الجنه تروح للنار ..
علشان م قلتلك سلطاني ..
*** *** *** ***
ملعونه الدنيا الغدارة ..
معلونه و يا ألف خسارة ..
و لا بملك فيلا و لا عمارة ..
علشان تفضل بين أحضاني ..
كل الجوابات رجعت تاني ..
بقلم مصطفي تيسير ..

شاركها في جوجل+

عن Unknown