دوروا معايا ع الإنسان
الاسم .... طيب غلبان
اوصافه...
عشان لو واحد يوم شافه
الهم متقل ف كتافه
و ضهره تعباه الأحزان
الشكل... شكلي أو شكلك
يشبهني و كتير يشبهلك
تحسه واحد من أهلك
على وشه طيبه و إحسان
فين الإنسان...؟
راضي و صابر ب قليله...
لو يوعد بيتم جميله ...
والناس تملي بتدعليه...
تدعيله ف كل زمان...
فين الإنسان ...؟
بيصلي و كمان بيصوم
بيخاف من واحد قيوم
مش ناس حوالينا بتحوم
بتحوم فشر التعبان
فين الإنسان
بيخاف على جاره و يحميه
و يربي ابنه على ايديه...
و فرحه ممكن يلغيه...
يلغيه لو جاره تعبان
فين الإنسان..؟
بياكلها ب دقه و مبسوط
بيعافر من غير ولا صوت
ماشي حياته على خطوط
خط ستر و خط أمان
سيد صادق
0 التعليقات:
إرسال تعليق
دام الابداع والرقي فى التواجد نسعد دائماً بعطر تواجدكم