(أيوه فاكر)........Abu Mido‏

Abu Mido‏

(أيوه فاكر)
ايوه فاكر لما جيتني تبكي
والدموع علي الخدود
ايوه فاكر لما جيتني تشكي
والحزن عدي الحدود
وكمان قلتلي حبيبي سابني
واتنكر لكل الوعـــود
ورميت نفسك في حضني
وقلت مستــحيل اعود
ساعتها قلت الفرح جاني
وفرشت لك قلـبي ورود
وكمان قلتلي مش هاسيبك
واحلـفت بكل العهود
يدوب يومين ولقيتك نسيت
كلامك وفيك جـــمود
ولما بسألك ايه غيرك
بتقول ياحبيبي مفيش عقود
الحب عندك لعبة بطلها اللي حاضر
وله عندك نصيب الاسود
والوفاءوالاخلاص مجرد كلام
بيردده كل خايب في الردود
ولما جيت اعاتبك قلت أنسي
وكمان حطيت السدود
قلتلك انت فاكر قلت ايوة فاكر
بس انا مش بحفظ عهود
ساعتها بس قلت في نفسي
ازاي تقولها كده وبكل البرود
والرد عندي كان لقلبي اللي قال
مش قلتلك ده نمرود
خايف بكره تجيني تاني
من جديد والدمع ع الخدود
خايف من قلب لما بيحب يوفي
يحن لك ومن تاني أعود......
أبوميـــــدو **(محمد أبوسداح)

شاركها في جوجل+

عن بوسى كات