عاشور الزعيم.............*** المُر فيه امرّ منه***

عاشور الزعيم

*** المُر فيه امرّ منه***
_______________________________________
سيبك
من الكلام الفاضى
وتعالى جارى واتربع
حاجينى واحاجيك
وشوف مين فينا اجدع
انا جدودى اصل الحضاره
ولا فيه احسن من كده
ولا اروع ...
انا اللى فى العشق
حكايه وحدوته ولا فيه
اطيب من قلبى
ولا اودع ..
انا وقت الحرب
صلى على المصطفى
خير اجناد الارض
ولا اشجع ..
انا اللى لما اغنى
صوتى ما فيه اجمل
من كده ولا امتع ..
انا قيس وعنتر
فى الحب مالى مثيل
وتقى ولا اورع ..
انا لما الارض تنادينى
فلاح وارضى ما فى اكبر من كده
ولا اوسع ..
انا سبع صنايع وهتشوف
على يدى هنبنى كام
مصنع ..
اناراضى بحالى وخد منى
وصرّ واسمع ..
عيش حياتك زى ما انت
عايز انت حر..
انت على نفسك قاضى
وجلاد
وبلاش نجكى الحكى مر
وان كان الضرب يوجع
الكلام اوجع ..
سيبك ..
من الحكى الفاضى
وتعالى جارى واتربع ..

شاركها في جوجل+

عن بوسى كات