Awny Hesham @@@سيجال بوسى كاااااااااااات

Awny Hesham

.........((( سيجال)))..........
.................. عونى هشام
......و أستاذه بوسى محمد
..... حب وشوق ...........
============ عونى هشام
سهرت كتير
ونومى قليل
وانا وياك وبحلم بك

اخدنى الشوق
اليك يا جميل
لقيت روحى بنتده لك

وانا وياك
فى عز الليل
اشوف قمرى
فى ضيا ظلك

عشان انت شاغل بالى
وطيفك برده فى خيالى
وقلبى تملى ميالك

=========== بوسى محمد
بشوقى اليك يا حبيبى
اضم ايديك وافرح بك
وشَعرى يطير يحن اليك
اشوف عينى بتنده لك

انا فى الكون مليش غيرك
سهرت معاك وبناديلك
تقرب اجرى واضمك
وتنده لى اناجيلك

=========== عونى هشام
حبيبى تعالى ليه بتروح
بعادك عنى كله جروح
دوايا بلمسة من ايدك
وبتعيد لى الحياه والروح

اروح وياك لوين ما تروح
وقلبى معاك ودا نصيبك
ولو هتغيب قلبى ينوح
دا روحى ملكتها بايدك

رويت الورد بدموعى
طرح عندى وعطره يفوح
قلبك عندى فى ضلوعى
ودقاته بِسِرى تبوح

============= بوسى محمد
حبيبى الحب دا عندك
كنت انا فين
ومش دارى

فاكرنى هابعد كدا عنك
يزيد شوقى
تقيد نارى

سواد شعرك
فيها ليلى
ونور عينك فيها نهارى

قدرى معاك
وبحلم بك
تكون حلى وترحالى

واكمل عمرى
وانا جنبك
وتبقى نهايه لمشوارى

رويت الحب
فى قلبى
طرح اثمار فى اشجارى

وشجرة حبنا
طرحت غناوى
الحان باشعارى

=========== عونى هشام
يا حب جميل
فى قلبى اصيل
عشت معاه فى احلامى

مالكش مثيل
وقلبى يميل
عشان حبك دا الهامى

تعال قرب هنا جنبى
انا قدرك ومكتوب لى
أقضى عمرى كله معاك
وروحى فداك
وبرضة قليل
===========

شاركها في جوجل+

عن Unknown