الشاعر ابو عمار المصري@@@@مـسـحّــــــراتـــــى

الشاعر ابو عمار المصري

مـسـحّــــــراتـــــى
مسحراتى أنا ..
والحر ما اتسحر
ياللى بتملى البطون 
لو مرة هتفكر 
اللقمة تهنى لك
والعيشة تحلا لك
والحر والأحرار
مساجين هنا بدالك
فيه كام سجين
أحرار
ما يشوفوا شمستها
وجراح بتنزف وجع
عمرك ما حستها
بين الحيطان صايمين
عن كل متعتها
دقيت على طبلتى
ما سمعت دقتها
وازاى ..تسمعهم ؟
كان نفسى اكون زيهم
وسحورى يجمعهم
منعنى سشور عالى
وحطان ..
وراهاحطان
والكون فى عينى براح
لكن خانق صدرى
والطبلة صوتها راح
عصيان يا نور فجرى
وشروق بيولد غروب
جوة نفوس ظالمة
مهما يشوفوا النور
فى قلوبهم الضلمة
قلوب ومتقفلة
على سواد وضلال
مسحراتى أنا
وعاشق الترحال
وانا راح اسحر مين ...؟
أحرارنا مسجونين
معقولة يا بلدى
يا ام الأصول عالية
طيب وفعله خبيث
وبترخص الغالية
بنت الشريعة هناك
واقفة وبتنادى
يتشد ليه حجابها ..؟
وتتسجن كام سنة
دة العدل يا قاضى..؟
يا هلال ...ويا هلالى
وسحورى يحلى لى
جوة سجون أبطال
والجمعة ..يا جمعة
رايح أصليها
على سن طرف الغيط
ما الزاوية قفلوها
والمدنة ..هدوها
حتى الصلاة ع النبى
عايزين يصادروها
مسحراتى بنادى
العدل ...يا بلادى
بقلم \ ا لـــشـــــــــا عـــــر
أ بــــو عـــمــــــــــا ر ا لــمــصــــــــــــــر ى

شاركها في جوجل+

عن Unknown