علي فرج‏ @@@الله عليكي ..

 ‏علي فرج‏ 

‏علي فرج ‏

الله عليكي ..
ــــــــــــــــــ
الله عليكي ف رقِّتك ،
ولّا رشاقة خطوتِك
حتى خدود الورد ،
تشتاق نسمتِك .
الشهد إيه لو داق شفايف رقِّتِك ،
واللولي إيه لو شاف طعامة سنِّتِك
السعد كله ف دنيتك ،
الشمس تخجل لو تصادف طلعِتِك
النور جماله ف طلِّتِك ،
حتى الدفا ،،،،،
يحلوّ برضه ف ضمِّتِك ،
بعشق عنيكي ،
واعشق شقاوة غمزتك ،
وبدوب لرقّة همستك ،
واعشق نعومة لمسِتِك ،
حنيّتِك ،
كل الحاجات الحلوة بتفكرني بيكي ،،
نورك بيملا الدنيا لما بتبان سنِّتِك ،
من بين حلاوة بَسمِتِك ،،
الله عليكي ................
بقيتي كل دنيتي ،،
أمنيتي ،،
مبقيتش اشوف إلا بعنيكي ،
بتمنى اكون أُمنيِّتِك
واتهنى بيكي
في القرب واسعد بين إيديكي
الله عليكي .............
ــــــــــــ
علي فرج

إلغاء إعجابي

شاركها في جوجل+

عن Unknown