حسن السحماوي@@@عارفه ليه الحب خايف مننا ..

حسن السحماوي

ساعة واحدة

عارفه ليه الحب خايف مننا ..؟

الضحكة فى وشوش بعضنا ..

صبحت ... نفاق ..!!

والكدابين .. صبحوا .. كتار ..

وأحنا بقينا ..

فى دنيا غايبه .. عننا ..

مافهاش ... نهار ..!!

صدقنا بعض فى كدبنا ..

مرعوشه جوانا الحقيقة تذلنا ..!!

أاااااه ... يا أنا ..!!

أنا كنت باحلم ان اكون ..

معنى .. وحقيقة فيك يا كون ..

احلم .. واحقق حلمنا ..

يطلع حقيقة فى حبنا ..

ويكون .. لنا ..

شط وأمان .. وليل بقمرة تونسة

ونجوم تصهلل فى السما ..

ضى .. وأمان ..

ونهار بيفرح باللقاء ..

وشمس دافيه ... مروقة

وشط رامى رملتة

وف سكتة عطف وحنان ..

وأنا كنت بأحلم ان اكون ..

ملقتش فى الحلم .. المصون ..

غير الخداع .. وضمير مباع ..

وفكرة تاهت مننا .. ولاعمرها

فى بكرة تكون ...!!

دنا كنت بأحلم ان اكون !!!

حسن السحماوى ..

4/ 9 / 2014

إلغاء إعجابي

شاركها في جوجل+

عن Unknown