الشاعر نادر الأسيوطي‏ @@@بحبك يامصر

الشاعر نادر الأسيوطي‏ 

بحبك يا مصر كلمات نادر الأسيوطي
بحبك يا مصر لأنك في دمي
عايشه في كياني يا غاليه يا أمي
أنتي العزيزة العظيمة الأبيّه
وأنتي الحنونه اللي شايلالي همي

*******
بحبك ياورده يا شقه الصحاري
بحبك سفينة ورافعه السواري
بحبك بشكلك بعبلك بتعبك
بحبك برحتك يا طافحة المجاري
********
بحبك في ليلة قمرها في عالي
بحبك في سهرة والست تلالي
بحبك في حضن العجوز لليتامي
بحبك في صوم ويّا قوم الليالي
**********
بحبك في شوق الولاد للمدارس
وحضن البنات للكتاب والكراريس
وصحبة وشلة ورحلة ولمة
وحصة زراعه وشافعي اللي غارس
**********
بحبك ياشطي ونيلي وذكري
بحبك يا صاحيه وبصه لبكره
بحبك في صحبه وجامعه الحبايب
ولمه الأحبه يشاركوا في فكره
كلمات نادر الأسيوطي

شاركها في جوجل+

عن Unknown