محمود وحيد@@@غصب عنى

 

محمود وحيد‏

غصب عنى/ كلمات محمود وحيد
*****************************

خلى الطبق مستور

وبلاش تلومينا

لو ساقيتك هتدور

من غيرنا هدينا
**********************
إيه يعنى كام مليون

لو ماتوا بالحسرة

إيه يعنى لما نهون

ونشًحت الكٍسرة
**********************
ما يهمكيش منا

ولا تشغلى بالك

ولا تسأليش عنا

خليكى على حالك
**********************
إحنا يا دوب حراس

عايشين بلقمتنا

طول عمرنا بننداس

وندارى كسرتنا
**********************
نزرع غيطانك أمل

نجنيها يأس وويل

ونداوى فيكى العلل

فتجًرحينا بليــــــل
**********************
أرضك لغيرنا براح

ضمًاه بساتينك

وإبن البلد ســــواح

طاحناه ميادينك
**********************
بنكٌح يا امة تراب

وبطونًا نشفانة

والعمر ولًى وشاب

وإنتى ما فاكرانا
**********************
رامية العبيطة ليه

ومقفلة ودانك

وأخرة سكوتك إيه

يا هاجرة خلانك
**********************
بوحى بقى بسرك

ورينا مكتوبك

لو حالنا دا يسرك

يبقى احنا مش توبك

6/9/2014

إلغاء إعجابي

شاركها في جوجل+

عن Unknown