المشاركات
الشاعر محمد البلاط وZaenall Ariiff
عشان حباك
بقلم محمد البلاط
عشان حباك من قلبى
ومش بقدر انا اخبى
ولا اقدر على بعادك
كلام من قلبى هحكيلك
ايه معنى خصامى وعنادك
ايه معنى الغضب عندى
وايه معنى اقول كرهاك
لو ابعد عنك امسكنى
سعات رجلى تعاندنى
ومن قلبى انا شرياك
ولو دمعى على خدى
فى حضنك ضمنى وخدنى
لو احلف انى انا كرهاك
لكن سرى بقولهولك
عشان من قلبى انا حباك
ولو الصمت راودنى
بكون منتظره تسئلنى
ولو اعصابى خانتنى
فى حضنك ضمنى وخدنى
انا عيزاك تناغينى
ولو عينى راح تولى
بيدك شدنى تانى
منايا جوه ننى العين
لو انظر فيها القانى
ولو مالت عليك راسى
ببوسه تعيدلى احساسى
ولو احلف ان انا كرهاك
فى حضنك ضمنى وخدنى
انا حباك
بقلم محمد البلاط