المشاركات
وطنا بيتسرق منا
بقلم محمد البلاط
جايز واحد جايز اثنين
جايز عشره نقول مايه
جايز قلوب مريضه
مفيش اخلاق حراميه
جايز نصاب ملوش احباب
ولا فى قلبه حنيه
جايز النطفه مش طاهره
جايز حمله فى رحم عاهره
جايز بغله لا هى حماره ولا مهره
جايز الجين متلوث
جايز جاهل وبيلحوس
جايز عقله يكون مجنون وبيهلوس
جايز وقول كثير جايز
لكن بلد تتقسم اثنين
فيه نصف سليم والثانى عيان
وفيه صاحى وفيه سكران
ونصف عنده كرامه
ونصف بيبيع الاوطان
ونصف كريم وعصامى
ونصف جسوس وارهابى
كلام مدخلش دماغى ولا بجرام
عملتوا مصر شخليله عشان اوهام
طمع فى قلوب مريضه وكله كلام
سجون مفتوحه ومنفى
واخ فى اخوه بيتشفى
نزعتوا من الوطن عفه كانت اعلام
ودم كل يوم سايل بيكتب لينا رسايل
نفوق من غفله سرقنا
وصحى النوم يا نايم
وطنا بيتسرق منا
وبعد ترابه مكان حنه
صبح بالدم يتحنى
مكنا عايشين فى حالنا
ولعبو الكوره بعقولنا
وكام نصاب من الاعلام
رابط احبال فى ودنا
تكنش الناس فاكرنا بدون عقول
غنم وماشيه فى زفه كما المسطول
نزعتو من الوطن عفه كانت اعلام
ودم كل يوم سايل بيكتب لينا رسايل
نفوق من غفله سرقنا
وصحى النوم يا نايم
وطنا بيتسرق منا
معدش كلام