حلمى قاسم @@@نيـــل وليل ونسيـــم عليل

 حلمىقاسم

نيـــل وليل ونسيـــم عليل
.
ومركبه فــــارده الشراع
.
منظر جميل خلانى اميل
.
وف قلب قلبى احلا انطباع
.
لسه البلد دى نبع الحنان
.
مهمـــــا يدور بيها الزمـــــان
.
ويغير النــــــاس والمكـــان
.
مايهزهاش لـــو مية صراع
.
لسه المدينه هــاديه ورزينه
.
ف العشق حاله تشبه سفينه
.
او بحر راســى له الف مينا
.
لسه الجنينه بِرحه وتسـاع
.
نيلهـــــا قــدرنا ليلها سهرنا
.
واللـى يسامرنا يرجع يزورنا
.
اصل اللطافه عايشه ف قمرنا
.
مـــش بالمحايله ولا بالدراع
.
شـوفوا جمالها شوفوا دلالها
.
دا السحر ودع اهلُه وجـالها
.
وللا عيالها فـــ الشــده مالها
.
بلســم مـــدواى الم الضياع
.
حلوه البلد دى من وقت جدى
.
مــن يوم ما ابويا قبِل التحدى
.
وابنه الصغير لســـــاه بيدى
.
ويمــــــد يدى ولا عمـــره باع
.
ياااااه ع البلد دى اجمل بقاع
**************
قلم/ حلمى قاسم

شاركها في جوجل+

عن Unknown