المشاركات
في رثاء والدي : يــــا قبـــــر ( رباعيــــــــات )
*******
*******
يــا قبــر جـــالــك ولـد زيـــن
كان عايق في لف العمامــه
ربــي بحــق النبـــي الزيـن
لتســامحه يــوم القيــامــه
******
يــا قبـــر ابويــــا خــديتـــه
******
يــا قبـــر ابويــــا خــديتـــه
وحــــرمت منه عــويــلــه
لــو بيــدي كنــت افتديته
أهــون من نحبه وعويلـه
******
يـا قبــر سكنـك وهملنــا
******
يـا قبــر سكنـك وهملنــا
ودارنـا شـقق حيطــانــه
ال كـان وجــوده يكملنــا
جفـت مساقي غيطانـه
*******
يــا قبـر يابو ضمه واعره
*******
يــا قبـر يابو ضمه واعره
وســـع براحـــك عليـــه
ده أدى لربـك مشـاعره
كـان فرضـه لازم يأديــه
*******
يــا قبــر انت الأســاس
*******
يــا قبــر انت الأســاس
للآخــــره انت طريقنـــا
ومنانا شـربه من كـاس
حـوض النبي تبل ريقنا
*******
يــا قبــر يااول حيــاتنــا
*******
يــا قبــر يااول حيــاتنــا
مـن بعد دنيــا حتفنـى
يـــارب ارحــم مواتنــــا
وارحمنـا لو حان حاتفنا
( حــــــــــــازم )
عن Unknown
0 التعليقات:
إرسال تعليق
دام الابداع والرقي فى التواجد نسعد دائماً بعطر تواجدكم