المشاركات
""إنتهى الدرس""كلمات / محمود وحيد
ــــــــــــــــــــــــــــــــــــــــــــ
ياللى انت داير فى البلاد
سواح
عمال بتبدر فى القلوب
سمك
إهدى يا سيد حبتين
وارتــــــاح
وارحم قلوب الخلق
من همك
أصل الحكاية مش هتاف
وكلام
ولا لعب على وتر
الوجع
ولا صوت بيزرع فى العقول
أوهام
ويقولهم قــــــــــــــــارى
الودع
إصحى بقى من غفلتك
..فوووق
وارجع بلاش تخاريف
مصر النهاردة لمركـــــم
.بتدوق
والوضع فيها مخيــف
ملعون أبوه كرســـى
إللى هدر دمنــــــــــا
واللى قدر يا خلــــق
يبعدنا عن بعضنـــــــا
الصورة سودة جوة عيـون
الكل
كل البشر تايهيــــــن
والغدر ليل ذى الشيطان
بيطـــــل
بيقطع الشراييـــــــن
وانتم ما زلتم جوة أحلام
المحـال
بتحرًفوا فى القُــــــول
بتذيفوا طهر المعانى
بالضـــــــلال
وبتقلبوا المعقــــــــــول
معقول يا أهل العقــــل
الأخ يقتل أخــــــــــــوه
ويعيش ميزان العـــــدل
جوة ضمير معتـــــــــوه
معقول ندور على النهار
بالليــــــل
والقتل يبقى شرعكم
فى الرد
نركب جياد العــــــــــــزة
بالتضليــــل
واللى يخالف فكركم
مرتــــــــد
طب لأ
مليون لأ
.
مادمت مصرى مسلم
.
مادمت مصرى مسلم
..مسيحى هاعيش
هاحمى بدمى كل شبر
بأرضها
شعب الكنانــــــــة
للكنانة جيش
فوقوا وعودوا لرشدكــم
وبلاش تساومونــــــــــا
إحنا فهمنا قصدكــــــم
فيا ريت تفارقونـــــــــــا
عن Unknown