حسن السحماوى,,,,,,,,,,,,,,,,الشاطر حسن .. فى عيون بهيه ..

حسن السحماوي

الشاطر حسن .. فى عيون بهيه ..
..........................
فاكرة .. أما كنتى ..
بتندهيلى .. أجيلك ..
أغزل خيوط الحب 
على مناديلك ..
وأرمى الشباك
يصطاد عواطف حبك ..
المح ضفايرك ..
ضى قمرة فى ليلك ..
مستغربانى لية ..!!
لما بشوفك ..!!
وانا اللى عايش عمرى
أحمى حروفك ..
يومها .. ندهتى على ..
واتمنيتك ..
ولما شوفتك ..التقيتك ..
نفس الملامح هى ..
أبويا ... وأخويا ..
من ضل شجرة توتة
وجنبها عنباية ..
مالى .. القلل .. م النيل ..
وعلى شباكك ..
أشرب وأسقى ..
العطشانين .. حنية ..
وأسهر فى أرضى ..
طول نهارى وليلى ..
وهدومى .. هية .. هية ..
اللى على ...
فصلت يومها شراع ..
لمركب ... نيلى ..
لما الطوفان ..
كان ناوى يلعب بيا ..
وفتحت يومها قلبى ..
واتمنيتك ..
تبقى .. بهية ..
عروسة ... متحنية ..
دلوقتى لية ...
مستغربانى عليكى ..؟
طرح الغلابة سنين ..
ما بيطرحش ..!!
مدى المدد فى بالشوف ..
وهاتى اديكى ..
انا أصلى واحد
م البشر .. ما فلحش ..!!
أنا كنت فالح ..
لما كنت فى حضنك ..
دلوقتى لية ..
بدلتى حالى بحالى ..
غيرتى لية شكلى
مع عنوانى ..!!
أتكلمى .. قولى ..
وردى على ..
دنا لسة .. شاطر ..حسن ..
وأنت فى عيونى .. بهية ..

إلغاء إعجابي

شاركها في جوجل+

عن Unknown