عاشور الزعيم *** باى ... باى***

عاشور الزعيم

*** باى ... باى***
_______________________________
عينيكى اللى بتصورنى
لأول مرة
بتهد فيّه
جبال القوة
وبتقولى أنك أول خيط نهار
فى عروقى اللى أكلتها
الضلمة
وعشش فيها الحزن...
مع أنى مكنتش
أول مسمار يدّق فى نعشك
ولخبط ملامح وشك
اللى شدتنى من أول حرف
فى أول كلمة..
**
كل حاجه فيكى
بتوحشنى
متهيألى مش وشك
بس اللى أتدور
وبقى قِبلة ملفوفة
متعفرة بالدم
بعترف انك مدينتى الوحيدة
اللى بتوه جوّه منها
وبينّا سؤال أعمى
فى كل شارع وحارة
مستنى الجواب...
**
معرفش ليه
لما بشوفك
الكلام بينشف فى حلقى
بيبقى باير من الحروف..
عنيكى
مليانه بالكلام
وأنتى بتشاورى
باى... باى....

شاركها في جوجل+

عن الشاعر أشرف الهنداوى