لسه دايسه عليا ليه

الرحال محمد

الرحال محمد
لسه دايسه عليا ليه
لسه ليه مسترخصانى
لسه صوت الحق عورة
والحرية تمنها غالى
طب يابلدى رويتى عطشك
ولا ناقصك دم تانى

لسه ناويه تدبحينى
ويبسطك دمع عينى
وبره بيتى تطردينى
كان نفسى مره تحضنينى
وتنادينى انت ابنى وانت عينى
انت روحى ونور سنينى
انت فارسى وانت حارسى
انتى علمى ال بيرفرف فسمائى

وانت حلمى اللى بيكبر
وفوق ترابك ترفعينى
وفحنانك تغرقينى
بس برضو بتجافينى
ومن دون ولادك مسترخصانى
وكاتمه صوتى
وحقى واخده حد تانى

طب يابلدى رويتى عطشك
ولا ناقصك دم تانى
طب يبلدى هفضل لامتى
صوتى جوا منى كاتمه
وحلمى اشوفو فمنامى
اسمعينى لو مره واحده
وقولى لاخويا يحس بيا
قليلو بلاش يدوس عليا
دا احنا ولاد ام واحده
ولا لينا ام تانى

لسه دايسه عليا ليه
وفشوارعك مشردانى
بقلمى =الرحال محمد

شاركها في جوجل+

عن الشاعر أشرف الهنداوى