المشاركات
============== بقلم عونى هشام
بلياتشو فيها ومش فيها
حريف ولابس بقة ميت وش
اضحك معاهم وعليهم
واشوف وشوش
مليانه بالغش
يشوففوا فهلوى متعفرت
لكن الحقيقة
ما اعرف اهش
والدنيا كلها بلياتشو
والفوضى تكتسب
واهى بتقش
ليه الزمان داير بينا
واحنا لا رحنا
ولا جينا
عملنا ثورة بايدينا
ورجعنا مطرح ما بدينا
كان نفسى ننسى
طبق المش
تشوفة ع الكرسى منور
تقولشى بدر الله صور
تسمع كلامة
تقول يا سلام
لكن الحقيقة
لابس وش
وشوش كتير
مش عارفينها
وخطط كتير
مش فاهمينها
انا الفقير ماشى بزقة
اصل الكبار
نار واكلنها
ازاى اعيش
ماانا لازم اغش
مين يروح
او مين يرجع
يا ناس حرام
الجوع يوجع
طب حسوا يينا
لوجة الله
ولا مزاجكوا
الناس تركع
خلاص طهقت
بابرة هفش
جابوا الملام
كله علينا
والدمع زايد
في عنينا
حتى الدموع
نشفت في العين
ايه بس طالع بايدينا
الجفن جف
وطار الرمش
تعالى
والعب بلياتشو
عندى كتير
اشكال والوان
الغش ماشى
في كل مكان
والكدب اصبح
له ميت وش
بلياتشو فيها
ومش فيها
حريف ولابس
بقة ميت وش
0 التعليقات:
إرسال تعليق
دام الابداع والرقي فى التواجد نسعد دائماً بعطر تواجدكم