حسن السمحاوى ..........اسكت يا واد

حسن السحماوي

أسكت يا واد ..
.........
زمن المعانى الحلوة راح
واتبدل الحرف بجراح
مولود على كف الزمن
بينوح ويصرخ م المسا
لحد الصباح ..
اسكت ياواد ..
الأ اجيب لك عسكرى
والا انت يعنى
عشان خلاص ..!!
أوعى تفكر فى المباح
الأ يجى لك مستباح
بعدين يقولوا
الواد ... سفاح ..
أحلف يمين .. ان انت حر ..
وأبوك فى أرض الله .. تقى ..
اسكت يا واد ..
خلى الكلام ساكن مكانه
بلاش جراح ..
اسكت بلاش الثرثره ..
وبلاش صراخ ..
أصل الخلاص فى المسأله
خلصت خلاص ..
وأحنا .. هنا .. من كام سنه
والصوت بيزعق فى الخلا ..
طب فين حلول المسأله ..؟
قولى .. أنا ..
كام ليلة عدت بعدها
يطلع صباح ..
اسكت ياواد ...

شاركها في جوجل+

عن بوسى كات