رمضان العلالقه.......ساعات العصر

رمضان العلالقه

ساعات العصر
^^^^^^^^^
ساعات العصر اتمشى
و شايل فوقي احلامي
و كان الشوق قريب مني
و اعد في وقتي و ايامي
أقول يا شوق م جنيني
و أيام البعد وجعاني
ساكنة ليه بعيد عني
و نار الشوق عمياني
افكار كتير و انا سارح
الاقي الدنيا وخداني
و عيني تروح بعيد تلمح
في دنيا قاسية و ظلماني
سرحت وقعت ف المطرح
و وقعت فوقي أحلامي
يا دنيا ليه اعذب
بالقسوة ليه جرحاني
و تروح السنة ع الشفة
و ادوس عليها بسناني
من نار الشوق بقيت اصرخ
و كل الناس سمعاني
قالوا ايه قوام اشرح
قولت الشوق أاااه ياني
اشواق كتير تعب قلبي
و كتر الشوق خلاني
لميت أشواقي م المطرح
و شيلت فوقي احلامي
روحت بعيد و قولت أفرح
أخدت معايا أحزاني
ماشي و تايه ف السكة
و رجليا ليه ما حملاني
افتح عيني و تأكد
مانيش شايف قدامي
مرة اضحك و مرة أبكي
و فكر فيها من تاني
الاقي الدنيا تقسى اكتر
مفروض عليا حرماني
افكار الشوق تعذبني
و صورتها مش مفرقاني
تنزل من عيني الدمعة
و اقول يا حبيبتي وحشاني
^^^^^^^^^^^^^^^^
بقلم/ رمضان سالم العلالقة

شاركها في جوجل+

عن بوسى كات