شمس لا تغيب,,,,,,,,,,,,,,,,,,,,,,,,,,,,,,مشتاقه ليكي يا بلدي

شمس لا تغيب

مشتاقه ليكي يا بلدي
و فاض مني الحنين
محتاجه حضن دافي
من قلبك الوفي الأمين
نفسي أجري بدروبك
و ألعب السيجه بطوبك
ترجع أيام زمان
واحنا لسه بأمان
يرفرف علينا الحنان
مشتاقه يا بلدي لحضنك
والله من سنين
و اللي واجعني حزنك
اللي بقلبك دفين
إوعي تخافي ياأمي
أحبابك موجودين
علي أعتاب بيبانك
واقفين متربصين
و ف كل الميادين
يعلي بالحق صوتهم
مصر مش ملك حد
مصر للمصريين
وخديها علينا عهد
و أحلفلك ميت يمين
نموت فدا ترابك
م احنا خيره شبابك
و ولادك المخلصين
ندعي و قلوبنا صافيه
والكل يقول آمين
تعيشي يا مصر حره
وربك لينا معين
إن كنتي بعافيه لسه
بكره يخف جرحك
ربك ما رد أبدا
دعوه للمظلومين
و نقيد شموع ف فرحك
ننسي بحور الأنين
بقلمي انااااا

شاركها في جوجل+

عن Unknown