المشاركات
صوت السكات
-------------------------
صوت السكات
-------------------------
صوت السكات
بيخنق الدمع بعنيه
والحلم مات
والامل لسه فاضله باقية
والذكريات
بوشحها لسود لفلفت كل البيوت
حتى الدروب
حتى الدروب
معدش فيها اى صوت
وغول بيهتف يابشر الحلم مات
الحلم مات
الحلم مات
ملقيتش رد الا السكات
-----------
العنكبوت
العنكبوت
عشش فى وسط الحنجرة من السكوت
والخوف تابوت
والخوف تابوت
دافنى وسط المقبرة من غير ما أموت
عايز اكون...او ...لا اكون
عايز اكون...او ...لا اكون
رافض ياناس اعيش فى سجن من الشجون
نفسى بروحى انطلق من جوه جسمى
نفسى بروحى انطلق من جوه جسمى
نفسى اتوه فى دنيا تانية وانسا أسمى
نفسى اكون ذى البشر ليه وطن
نفسى اكون ذى البشر ليه وطن
بس الغيلان مش عايزه تعرف اننا برضه بشر
نحب..نكره...نختلف...احنا بشر
نحب..نكره...نختلف...احنا بشر
-----------------
لسه الامل
فى ايد قوية بتتخلق من العدم
لسه امل
لسه الامل
فى ايد قوية بتتخلق من العدم
لسه امل
فى قوة جاية بتستمد القوة دى من الالم
لسة امل
لسة امل
مش القضية انى اعيش بين ناس بتاكل بعضها
من كترها ذى الغنم
من كترها ذى الغنم
ولا القضية انى اكون مرغوم ياناس
على الوجود او العدم
على الوجود او العدم
القضية القى نفسى
بين بشر بتعرف اسمى
وتعترف انى بشر
لا فيه فواصل ولا حدود
وتنتزع كل السدود
وينطلق صوت السكوت
والغول يموت
والخوف يموت
--------------------------------------------------
--------------------------------------------------
شعر /محمد توفيق
