عونى هشام ‏ .... طلاسم الحروف.....

عونى هشام

‏

.... طلاسم الحروف.....
============ بقلم عونى هشام

بكتب حروف متشخبطة
عشان حياتنا ملخبطة
كان زمان عندى حروف
دلوقتى بكتب سعبطة

حرفين هنا حرفين هناك
تكتب بيتين بفبركة
بالفهلوه انت ملاك
وعملت قصة محبكة

نتوه ما نعرف انت مين
وبقيت هنا شاعر امين
حافظ يا دوب لك كلمتين
تفرد وتعمل انتكة

فين الضمير يا موحدين
البعض ماشى بشعبطة
ماشى فى حياته وناسى دين
بالذمة دى مش لخبطة

اكتب لمين
والغالبية مدركة
يمكن تتوه
وياخدها واحد فبركة

يطلع هنا واحد جميل
ويقول كلام بفلسفة
مالوش مثيل يجرح زميل
ويقول النقد بهلوسة

بالذمة دا النقد الاصيل
خريج من اى مدرسة
غرزة حجر شلة غجر
وملوش فى صحبة كويسة

النقد ده للفاسدين
ما يهمناش هما مين
والصالحين ليهم مكانه عندنا
مهما يقول تلاقيك وراه تقول امين

شخبطة سلبطة لخبطة
وكمان شوية سعبطة (استعباط)
شوف المقادير من غير تقصير
وكمان عليهم فبركة
على نارخفيفة كده كام دقيقة
تعمل لك واحد انتكة
----------------------------
بكتب حروف متشخبطة
عشان حياتنا ملخبطة
=============

شاركها في جوجل+

عن الشاعر أشرف الهنداوى