دعاء الجنه‏ ,,,,,,,,,,,,,,,,,,,,,,,,,,,,وادي الحب

دعاء الجنه‏ 

وادي الحب
------------
لقيت نفسي في وادي الحب
مش شملول
و لا بهلول
جايز كمان اكون مسطول
و مهما قاسيت ما باتعلم
حضنت الشوق و باتألم
الف كتير ورا حكايات
مافيش فايدة غير النهايات
كتير حسرات
فراق و ماليه كمان عسرات
افوق من حلمي باتالم
فقررت اكون درويش
تملي يعيش
ما بين ناسه حالف مايجيش
بينفش ريش
ينكس ريش
ضروري يعيش
اذا ما الحب نادى عليه
يقول يا سلام
و ينسى علام
و ينسى ايام
عاشها ما بين ظنون اوهام
كأن الحب سَحَر عقله
بيشتاق له
و ينده له
فيجري وراه من تاني
ما هو اناني
حِلِم بالحب لكن مايجيش
يا وادي الحب يا جبار
باعيش محتار
بحرك ليه مالوهش قرار
و دوماتك تلف بنا
كما الاعصار
خلاص سيبني اقضي
حياتي و اتهنا
بعيد عنك فـ الجنة
و لو حتى اعيش درويش
بقلمي
سعاد عبد السلام

شاركها في جوجل+

عن Unknown