عونى هشام,,,,,,,,,,,,,,,,,,,.....الحصة الثانية .... .... علمينى الدرس

عونى هشام

.....الحصة الثانية ....
.... علمينى الدرس ....
============= بقلم عونى هشام
ليه نعلم فى المدارس
فهم خاطئ مش جديد
ليه تكون
بس المدارس للشهادة
والدراسه عند استاذنا وليد

عرفينى حاولت افهم
قابلونى بالنار والوعيد
ولو فى يوم رحت لخصوصى
مهما اسأل
يبقى استاذنا سعيد

فين دراسة المحبة
ولا دى ما تعرفوش
خد وهات حبه حبه
عرف ابنك ما تحرموش

علمينى حاولت اعرف
بس فكرى راح بعيد
كان فى يوم عندى وطن
لقيته يا خسارة شهيد

الفساد فى كل حته
وقلبى يتقطع بحته
وحزنى عمال بيه يزيد
اعمل ايه وانا لسه طالب
والمطالب اقوى منى
وراسى باخبطها فى حديد

لازم اهرب طبعا اهرب
اشوف لى شغله
هو فيه شغله تفيد

الكبار واكلنها والعه
والبيوت فيها نار ووالعه
ده لدرس وده للقمة
وابويا نايم ع الحديد
فين الجديد ؟؟؟؟؟

خلصنا فصل نروح لتانى
والمعانى هيا هيا والمكان
صفا انتباه دى حصة اولى
حصة تانية خلصناها
قبل ما يجى الاوان

كان زمان
استاذنا عملينه امام
كنا لو نلمح خياله
فى اى شارع
كله يجرى يروح اوام

الزمان ده نلاعبة طاولة
نشد شيشة
ويمكن تخدمنا المدام
بالذمة ده يبقى كلام

نفسى اروح الفصل
ويا بسمة وابتسام
بروح اخوة
بالمحبة والسلام

نفسى يجى اليوم
واشوف استاذنا
على جهه ابتسام
فيه شهامة وفيه مروءه
ما يقولش درس اليوم بكام
و لما اغلط يعلمنى
بروح ابوبيه وانسجام

نفسى اشوف كتاب دراسىى
فيه جديد مش حشو راسى
اخاف عليه يبقى اساسى
ويبقى مرجع ع الدوام

شبعنا من رفع العلم
عايزين قلوب شابة قوية
تنحت الصخر بسنان القلم
ومن ايديها تسج لنا توب العلم

عايزين مناهج للعقول
عايزين بلدنا عرض طول
فيها مزارع والمصانع
وايد بايد بنشد الهمم

نفسى نفسى ونفسى
فيها حاجات كتير
نفسى اشوف الحب بينا
نفسى اتوه مرة فى ضمير

نفسى يرجع عقلنا
نفسى نبنى مجدنا
ايد بايد بالمحبة
الغنى ويا الفقير
دا حلمنا هل ده كتير ؟؟؟؟
============

شاركها في جوجل+

عن Unknown