مجلة @ عزف على أوتار الحروف @

مجله أدبيه؛ثقافيه؛إجتماعيه ؛شامله.. .

/ / DR-Hosny Said Ahmed.............راحــــة الضميــــر

DR-Hosny Said Ahmed.............راحــــة الضميــــر

تعديل


راحــــة الضميــــر .........د/حسني سيد احمد
++++++++++
انا راجــــل كافــــى خـيـــري شــري
بأشـــتغل بضميـــر مــن ايام عمـــري
وأنا الإنســان ضميــري سـابق فكـرى
أنام مرتاح من غيــر كوابيــس بتألمنى
راحة الضميـــر مخدة من حرير تريحني
أخــدم زمايلى بحـــب مـش مسـتنى
يوماتـى ليـــلاتى لمــا اتحــرق دمــى
وبأفــرح بابتســامة لأى حـد محتاجلى
لكن مفيش غيـري شايل آلامى وهمي
محــروق والناس دايسـين على ظهرى
أضـــحك كــده من بــره وادارى زهـدى
تقولى ليبلاري ولا انت أخواني متخفى
كلها انتماءات كذابه أنا إنتمائي مصـري
وانا راجــــل كافـــى خـيـــري شـــري
بأشـــتغل بضميـــر مــن ايام عمــــري
+++++++++++++++++++++
نفــوس ضعيفــه بمسح الجوخ بتغنى
اللى شــايف نفســـه أســطورة يعنى
واللى صـــوته يرن طبــله أعلى منــى
هو صــوته أصــله أمنــه فيــه بيحمـى
ولـو إتمكـــن طحـــن عظمــك تملــى
إلا إذا كنت أعلى منـــه ليـــك بيحنـى
والتكشيـــره دى مرســـومه بتحــدى
تســـأل ليــه طيب زعـــلان يا عمــي
هـى كده انت المســـئول ومــزعلنى
تملى يسـأل على الجنيـه ومستنى
واعظ وســٌنى وفى الصلاة يسـوقنى
وف عمله لو شـفته تظ تبقى تقابلنى
وفيه ناس شـغالين وبيدعوا الله يعنى
صاحييــن الضميــر والله أحسـن منى
عــرفت الحقيقـة المــرة يا ابن عمي
الصــراحة كلمتهــا قاسيـــة بتوجعني
وانا راجــــل كافـــى خـيـــري شــري
بأشـــتغل بضميـــر مــن ايام عمـــري
+++++++++++++++++++++
د/حسني سيد احمد حسين
 
شاركها في جوجل+

عن بوسى كات